Moti i lig shkaktoi dëme të shumta në rajonin e Shkupit dhe më gjerë

Hapësira të përmbytura, oborre, bodrume, shtëpi, objekte, dru dhe shtylla të rrëzuara, shtëpi të dëmtuara, ulluke të shkëputura, tavane dhe vetura dëmtuara…Këto janë disa nga dëmet që janë denoncuar në Qendrën për Menaxhim me Kriza (QMK) nga banorët e Shkupit, Kumanovës dhe Tetovës pas shiut të rrëmbyeshëm që përfshiu mbrëmë kryesisht rajonet e lartpërmendura.

Nga QMK-ja bëjnë të ditur se në numrin 112 janë paraqitur më shumë raste dhe konfirmojnë se dëmet janë shkaktuar nga moti jostabil, i shoqëruar me stuhi, shi të rrëmbyeshëm dhe me breshër.