Nadal, kalon në çerekfinale të “Indian Uells”-it
Rafael Nadal kaloi në çerekfinalen e turneut Masters “Indian Uells”, duke mposhtur Rilej Opelka me 2-0 në sete ose 7-6, 7-6 në geme.
Spanjolli ka fillimin më të mirë të një sezoni në karrierën e tij dhe tani ka 18 fitore dhe asnjë humbje. Kjo është fitorja e dytë e Nadalit ndaj rivalit amerikan në karrierën e tij në po aq ndeshje. Në turin e ardhshëm, 35-vjeçari do të konkurrojë me Nik Kirios, i cili nuk luajti në 1/8, pasi rivali i tij Jannick Siner e dorëzoi ndeshjen, për shkak të sëmundjes.
Në çerekfinale do të luajnë edhe Karlos Alkaraz dhe Kameron Nori, Miomir Kecmanoviq do të takohet me Tejllor Fritz-in, ndërsa Andrej Rublev kundër Grigor Dimitrov.
