NATO i kërkon Gjermanisë të sigurojë rreth 40,000 trupa për të mbrojtur Aleancën
NATO i kërkon Gjermanisë të sigurojë rreth 40,000 trupa për të mbrojtur Aleancën
NATO do t’i kërkojë Gjermanisë të sigurojë shtatë brigada të tjera, ose rreth 40,000 trupa, për mbrojtjen e Aleancës, brenda kuadrit të objektivave të reja të armatimit dhe numrit të trupave për të cilat ministrat e mbrojtjes të shteteve anëtare do të bien dakord javën e ardhshme, raportoi Reuters, duke cituar burime.
Një zyrtar i lartë ushtarak, pa emër, tha se qëllimi për shtetet anëtare të NATO-s në të ardhmen do të jetë të sigurojnë midis 120 dhe 130 brigada.
“Kjo do të thoshte një rritje prej rreth 50 përqind krahasuar me objektivin aktual prej rreth 80 brigadash për shtet anëtar”, tha burimi.
Një zëdhënës i Ministrisë së Mbrojtjes në Berlin tha se nuk mund të konfirmonte se çfarë vendimesh do të merrnin ministrat e mbrojtjes të NATO-s javën e ardhshme, si dhe udhëheqësit e NATO-s në një samit në Holandë në fund të qershorit.
“Përveç kësaj, planifikimi i forcave të NATO-s dhe objektivat e kapaciteteve janë konfidenciale për arsye sigurie”, shtoi zëdhënësi.
Në vitin 2021, Gjermania ra dakord t’i ofrojë NATO-s dhjetë brigada – njësi që zakonisht numërojnë rreth 5,000 ushtarë – deri në vitin 2030, dhe aktualisht ka tetë brigada dhe po ndërton një të nëntë në Lituani që do të jetë gati deri në vitin 2027.
