Man. Junajted po përgatitet për të përforcuar mbrojtjen në merkaton e janarit. Sipas të përditshmes angleze “The Sun”, skuadra e trajnerit Erik Ten Hag ka piketuar mbrojtësin portugez Gonzalo Inacio.
22-vjeçari luan me ekipin e Sporting Lisbon, me të cilin ka një kontratë deri në vitin 2027. Kostoja e kartonit të tij është rreth 30 milionë euro. Gonzalo Inacio është një mbrojtës qendre, që këtë vit ka debutuar edhe me ekipin kombëtar, duke realizuar dy gola në tri ndeshje. Një lojtar me shumë perspektivë dhe që kërkohet nga shumë ekipe.
Inacio është lojtari që ka bërë më shumë pasime se çdo futbollist tjetër në kampionaitn portugez këtë sezon. Kjo e ka rritur ndjeshëm vlerën e mbrojtësit, që pritet të zbarkojë në Premier Ligë në janar.
Man. Junajted është në kërkim të një mbrojtësi qendre pas dëmtimit të Luk Shou dhe golave të pësuara këtë sezon. Duket se trajneri Ten Hag i beson të riut portugez, që kërkon ta sjellë në “Old Trafford”.
