Nëse luan Gjokoviqi në Australi, kjo është shuplakë për të gjithë të vaksinuarit!

Ish-ministrja australiane e Punëve të Brendshme, Karen Endrjuz tha se heqja e vizave për yllin serb të tenisit Novak Gjokoviç, i cili u dëbua nga Melburni në janar të këtij viti, do të ishte një “shuplakë në fytyrë” për të gjithë australianët që janë vaksinuar kundër “Covid-19”.

Në fillim të vitit, Gjokoviç nuk luajti në “Australian Open”, ndonëse fillimisht u lejua të performonte si “përjashtim mjekësor”, por serbi më pas nuk solli leje hyrjeje, kështu që ai ishte në paraburgim ekstradimi dhe në fund u dëbua, pasi nuk kishte leje të hyrjes. Atij i është ndaluar hyrja në Australi deri në vitin 2025, por tani ka pasur raporte se qeveria në Kanbera mund ta heqë atë ndalesë dhe ta lejojë teistin serb të luajë në Melburn në muajin janar.

Australia në muajin korrik hoqi një rregull që u kërkon të huajve të zbulojnë statusin e tyre të vaksinimit dhe Gjokoviçi tha se shpresonte për “lajme pozitive”. Por politikanët në vend nuk janë saktësisht të emocionuar që serbët do të vijnë tek ata në janar.

“Do të jetë një shuplakë për të gjithë ata që u vaksinuan dhe bënë gjënë e duhur. Pse do të lejohej të kthehej Gjokoviçi? Pse është ai një tenist i ranguar me miliona dollarë në llogarinë e tij? Një rregull nuk duhet të zbatohet për të dhe një tjetër për pjesën tjetër. Nëse lejohet, do të ketë njerëz të tjerë në rrethana të ngjashme të cilëve u është hequr viza. Pra, nëse Departamenti i Imigracionit tani vendos të bëjë një përjashtim për Gjokoviçin, lind pyetja, po për të tjerët që janë në një situatë të ngjashme,” tha Endrjuz.

Kujtojmë se Gjokoviçi është nëntë herë fitues i Australian Open.