Ngritët aktakuzë dhe caktohet gjykimi për 1,240 kg marijuanë të kapur vitin e kaluar në Butel të Shkupit

“Aksion policor, kapen më shumë se një ton marijuanë”, ishin titujt e lajmeve më 22 prill të vitit të kaluar. Drejtori i Byrosë të Sigurisë Publike në rrjetet sociale mburrej se janë sekuestruar 1.240 kilogramë marijuanë në një depo në Butel. Një ditë më vonë, Ministria e Brendshme njoftoi se në vitin 2019, në 30 hektarë në Sopot pa leje adekuate ishte mbjellë kërp industrial. Tani, një vit më vonë, janë ngritur akuza kundër dy personave dhe kompanisë Kanatek për tregti të paligjshme, prodhim dhe qarkullim të drogave. Njëri nga të dyshuarit është nga fshati Zhilçë – komuna Jegunovcit, ndërsa i dyti shtetas izraelit.

https://youtu.be/qgI15fqeOtk

Aktakuza është vlerësuar, formuar dhe planifikuar për 28 shtator 2021, duke pasur parasysh se disa nga të pandehurit në procedurë janë shtetas të huaj – njoftojnë nga Gjykata Penale.

Pyetëm prokurorinë nëse ka ndonjë masë paraprake për dy të dyshuarit. Na thanë që nuk ka, megjithëse një nga të dyshuarit është i huaj për të cilin Ministria e Brendshme nuk ka lëshuar urdhërarrest. 1,240 kilogramë marijuanë të sekuestruar mbahen në Agjencinë për Menaxhimin e Pronës së Konfiskuar. Sipas policisë, më 2 tetor 2019, për herë të parë janë marrë mostrat nga bimët e gjetura në Sopot për të përcaktuar nëse ishte kërp apo marijuanë. Ekspertiza zgjati gjashtë muaj. Më 14 prill të vitit të kaluar, u përcaktua se nuk ishte kërp, por marijuanë, kultivimi i së cilës rregullohet me Ligjin për Kontrollimin e Barnave Narkotike. Ministria e Brendshme kreu dy ekzaminime të reja vitin e kaluar më 22 dhe 23 prill, dhe përsëri, sipas policisë, u konfirmua se ishte marijuanë me lule, fara dhe prani të substancës THC, e cila është e ndaluar nga ligji i lartpërmendur.

Bojan Stojanovski