Sulmuesi spanjoll Niko Uilliams nënshkroi një rinovim historik të kontratës me Atletik Klub, duke e lidhur veten me klubin bask deri më 30 qershor 2035. Një kontratë e paprecedentë në historinë e futbollit: tetë vjet shtesë nga marrëveshja e mëparshme.
Gjatë ceremonisë, Niko veshi një fanellë të re të frymëzuar nga koncepti “WIN” (Uilliams, Inaki dhe Niko), një simbol i besnikërisë ndaj projektit bask pavarësisht presionit të klubeve më të fuqishme.
“Ne kemi qëllime ambicioze, si Liga e Kampionëve dhe dua t’i arrij ato me klubin e jetës sime. Kjo është edhe për tifozët, të cilët gjithmonë më kanë mbështetur. Shpresoj t’i bëj ata të festojnë në San Mamesh për një kohë të gjatë”, tha Niko Uilliams.
