Nis Botërori në Moto GP, kampioni i botës në fuqi mungon në dy garat e para
Më 2 mars do të nisë Botërori 2025 në MotoGP, eventi më i rëndësishëm i motoçiklizmit në botë. Gara e parë do të zhvillohet në pistën e Buriram, në Tajlandë.
Në këtë garë do të mungojë piloti spanjoll i Aprilia, Horhe Martin, i aksidentuar dhe më pas operuar rreth dy javë më parë, gjatë testeve zyrtare. Madje ai nuk do të jetë as në garën e dytë në Argjentinë, më 16 mars.
Motori italian “Dukati” shihget si favorit edhe këtë vit, me italianin Françesko Banjaia që do të ketë një duel “kokë më kokë” me shokun e tij të skuadrës, spanjollin Mark Markez, por priten edhe surpriza.
Gjithsej do të jenë 22 gara në këtë sezon, që do të mbyllet më 16 nëntor. Pritet një rivalitet i fortë mes pilotëve, një sezoin ku gabimet mund të kushtojnë shumë.
