Në Ligën e Kampionëve, sonte nisin sfidat e play off-it për sezonin 2025–2026, të cilat do të përcaktojnë shtatë skuadrat e fundit që do të plotësojnë fazën e grupeve. Në garë janë 14 ekipe, ndërsa shorti i fazës së kampionatit është planifikuar për 28 gusht në Monako, një ditë pas ndeshjeve të kthimit.
Formula e re, si në sezonin e kaluar, parashikon tetë ndeshje në fazën e kampionatit, nga 16 shtatori deri më 28 janar. Tetë ekipet e para të renditjes do të kalojnë direkt në 1/8 e finales, ndërsa skuadrat nga vendi i 9-të deri në 24-in do të luajnë një raund play off-i shtesë për të hyrë në fazën me eliminim direkt. Plotë 29 klube janë tashmë të kualifikuara, mes tyre:
Anglia: Liverpull, Arsenal, Man. Siti, Çellsi, Njukasëll, Tottenham
Italia: Napoli, Inter, Atalanta, Juventus
Spanja: Barcelona, Real Madrid, Atletiko Madrid, Atletik Bilbao, Viljareal
Gjermania: Bajern, Leverkuzen, Aintraht Frankfurt, Borusia Dortmund
Franca: PSZH, Marsej, Monako
Po ashtu edhe: Ajaksi, PSV (Holandë), Sporting (Portugali), Union Saint-Zhill (Belgjikë), Gallatasaraj (Turqi), Sllavia Praga (Çeki), Olyimpiakos (Greqi).
19 gusht
Ferencvarosh – Karabak
Crvena Zvezda – Pafos
Renxhers – Klub Brizh
Bodo/Glimt – Shturm Graz
Seltik – Kairat Allmati
Basel – Kopenhagë
Fenerbahçe – Benfika
