Një kardiolog zbuloi një zakon të mbrëmjes që e bën çdo ditë pas darkës

NËSE MBËSHTETJA e shëndetit të zemrës është një nga synimet tuaja për vitin 2025, ju mund të jeni ndër ata individë që janë më të ndërgjegjshëm për atë që konsumojnë. Kur bëhet fjalë për darkën, mund të keni vendosur të zëvendësoni mishin e kuq me më shumë proteina pa yndyrë dhe të rrisni marrjen e ushqimeve të pasura me fibra.

Ajo që hani sigurisht ndikon në shëndetin e zemrës, por ajo që bëni pas darkës dhe para se të shkoni në shtrat është gjithashtu shumë e rëndësishme. Kardiologu intervenues, dr. Daniel Hermann, për portalin Parade, tregon se një nga zakonet më të mira për të mbështetur shëndetin e zemrës është relaksimi dhe përgatitja e trupit për një gjumë të mirë.

Gjumi cilësor ka një efekt pozitiv në shëndetin e përgjithshëm

“Koha pas një vakti, veçanërisht darka, duhet t’i kushtohet relaksimit”, shpjegon ai. Ai thekson se sa e rëndësishme është të relaksoheni dhe të përgatitni trupin për gjumë.

Ai shton: “Gjumi cilësor dhe i rregullt kontribuon në rregullimin më të mirë të presionit të gjakut, uljen e inflamacionit, ekuilibrin hormonal, ndryshueshmërinë e rrahjeve të zemrës dhe përmirësimin e rikuperimit dhe rigjenerimit të trupit. Me pak fjalë, gjumi nuk është vetëm një kohë për të pushuar mendjen, por gjithashtu një periudhë kritike kur trupi kryen detyrat kryesore të mirëmbajtjes që mbrojnë shëndetin e zemrës”, raporton Parade.

Ndonëse relaksimi është një zakon i mirë, ky mjek ende këshillon të mos relaksoheni me pije alkoolike dhe kafe në ato orë të vona. Kafeina në kafe mund ta bëjë të vështirë të biesh në gjumë dhe është gjithashtu e dobishme të mos përdorësh pajisje elektronike si një mënyrë për t’u çlodhur, si telefonat celularë, kompjuterët, tabletët dhe televizorët. Nëse tashmë jeni duke i parë, ai këshillon që të mos e bëni këtë të paktën një orë para se të flini.