Lajmi për “vetëvrasjen” e robotit të parë në Korenë e Jugut tronditi mediat lokale dhe ngriti pyetje në lidhje me përfitimet e inteligjencës artificiale në vendin e punës.
Incidenti u raportua në këshillin e qytetit Gumi të mërkurën pasi u zbulua se roboti i tyre i parë, i cili ishte një asistent administrativ, kishte rënë nga shkallët dhe kishte pushuar së punuari.
Siç raporton CNA, roboti nuk dha shenja “jete” pasi ra nga një lartësi prej dy metrash javën e kaluar.
Dëshmitarët okularë dyshohet se e panë atë duke u rrotulluar në një vend para rënies, dhe shkaku i saktë është ende i panjohur, tha një përfaqësues i këshillit të qytetit për AFP.
Roboti mori pjesë aktive në dorëzimin e përditshëm të dokumenteve, promovimin e qytetit dhe informimin e popullatës lokale. Informacioni i AFP sugjeron se aktualisht nuk ka plane për të zëvendësuar robotin, i cili është bërë pjesë integrale e këshillit të qytetit.
