Një skenar që as nuk duhet ta mendojmë: Ja si do të dukej Toka nëse i gjithë akulli në planet do të shkrihej
Një skenar që as nuk duhet ta mendojmë: Ja si do të dukej Toka nëse i gjithë akulli në planet do të shkrihej
Ka shumë akull në planet dhe siç e dimë të gjithë, ai po shkrihet me shpejtësi nën ndikimin e ndryshimeve klimatike. Prandaj, kohët e fundit po bëhen gjithnjë e më shumë pyetje se si do të duket planeti nëse shkrihet i gjithë akulli dhe çfarë mund të presim.
Videoja e Business Insider tregon se cilat qytete do të zhdukeshin nën ujë në atë rast.
Ndryshimi i klimës është një realitet, dhe akullnajat e planetit po shkrihen shpejt, madje edhe më shpejt se sa pritej. Ka mjaftueshëm akull në planet që këto fakte të shkaktojnë shqetësim. Duke marrë parasysh dy shtresat më të mëdha të akullit në Tokë, Antarktidën dhe Grenlandën, të cilat së bashku shtrihen në më shumë se 15.54 milionë kilometra katrorë, është e qartë se kjo është një sasi shumë e madhe dhe se do të ishte një katastrofë nëse i gjithë akulli do të shkrihej.
Një video e bërë nga Business Insider Science disa vite më parë tregon saktësisht se si do të dukeshin brigjet tona nëse i gjithë akulli i tokës do të shkrihej.
Shumë qytete evropiane si Brukseli dhe Venecia do të ishin në fakt nën ujë. Në Afrikë dhe Lindjen e Mesme, Dakar, Accra dhe Jeddah do të zhduken. Miliona njerëz në Azi, në qytete si Mumbai, Pekini dhe Tokio, do të zhvendosen dhe do të duhet të lëvizin në brendësi të vendit. Amerika e Jugut do të mbetet pa qytete si Rio de Zhaneiro dhe Buenos Aires, dhe në Shtetet e Bashkuara do të shohim vende si Hjustoni, San Francisko dhe Nju Jorku dhe i gjithë shteti i Floridës të zhduket ngadalë në det.
