Nuk do të thotë që të kaloni shumë orë në palestër për të bërë muskuj, ja çfarë duhet të ndiqni

Të gjithë e dimë se stërvitja është kyçe për trupin tonë, por sa shumë duhet të ushtrohemi për të parë ndryshime të dukshme në trup? Disa mund të mendojnë se duhet të kalojnë orë të tëra në palestër për të parë rezultate, por ekspertët e fitnesit kanë një mesazh të qartë: cilësia e trajnimit është më e rëndësishme sesa sasia.

Ndërsa shumë njerëz besojnë se më shumë orë stërvitje do të çojnë në më shumë muskuj dhe trup më të formuar, një program i mirë i fitnesit mund të ofrojë rezultate më të shpejta dhe më efektive, për aq kohë sa është i planifikuar siç duhet.

Koha ideale për stërvitje

Ekspertët sugjerojnë se koha ideale për stërvitjen ditore për të arritur rezultate të dukshme është midis 30 dhe 45 minutave. Ky interval kohor është i mjaftueshëm për të stimuluar muskujt, përmirësuar qëndrueshmërinë kardiovaskulare dhe aktivizuar metabolizmin pa i kërkuar trupit të kalojë në një gjendje lodhjeje të panevojshme.

Intensiteti është çelësi

Përveç kohës, intensiteti i stërvitjes është një faktor i rëndësishëm për suksesin. Ndërsa stërvitjet e gjata mund të duken tërheqëse, ato mund të jenë më pak efektive nëse nuk kanë një strukturë të mirë dhe një fokus të duhur. Kombinimi i stërvitjes kardiovaskulare me trajnimin e forcës do t’ju mundësojë të shfrytëzoni në maksimum ato 30 deri në 45 minuta, duke maksimizuar djegien e kalorive dhe forcimin e muskujve.

Sa shpesh duhet të ushtrohemi?

Një rutinë e qëndrueshme stërvitjeje, për 4 deri në 5 herë në javë, është një hap i shkëlqyer për të ndihmuar në ndërtimin e muskujve, djegien e dhjamit dhe përmirësimin e formës fizike. Ky angazhim i rregullt ndihmon gjithashtu në përmirësimin e shëndetit tuaj të përgjithshëm dhe mbajtjen e një peshe të shëndetshme. Syri.net-iefimerida.