Ofertë faraonike nga PSZH për yllin 17 vjeçar të Barcelonës

Paris Sen Zhërmeni humbi ndeshjen e parë në Ligën e Kampionëve kundër Barcelonës dhe një nga lojtarët për të cilët janë të interesuar në kampin katalanas është Lamine Xhamal.

PSZH ka një ofertë prej 250 milionë euro gati për talentin e Barcelonës. Këtë e raporton “Tuttosport”. Presidenti i Barcelonës, Zhoan Laporta deklaroi javët e fundit se ai kishte refuzuar tashmë një propozim prej 200 milionësh për sulmuesin e lindur në vitin 2007, pa përmendur klubin e përfshirë.