OKB: Nuk duhet të lejojmë që të ndodhë ofensiva në Rafah

Ofensiva izraelite në Rafah, në jug të Gazës, nuk duhet të lejohet sepse do të shkaktonte humbje të mëdha jetësh njerëzore. Ky është apeli i bërë nga zyra e OKB-së për të drejtat e njeriut.

“Nëse Izraeli do të nisë ofensivën e kërcënuar ushtarake në Rafah, ku 1.5 milionë njerëz janë zhvendosur në kushte të mjerueshme dhe subnjerëzore, çdo sulm tokësor në Rafah do të rezultonte në humbje të mëdha jetësh dhe do të rriste rrezikun e krimeve të mëtejshme të tmerrshme”, tha zëdhënësi Jeremy Laurence.

“Nuk duhet të lejojmë që kjo të ndodhë”, nënvizoi ai.