OKB: Shembja e digës po e bën shumë më të vështirë jetën për ukrainasit

Zyrtari i lartë i ndihmës i OKB-së, Martin Griffiths, ka paralajmëruar se shembja e digës Kakhovka do ta bëjë jetën edhe më të vështirë për ukrainasit.

Griffiths tha se 700,000 njerëz kanë nevojë për ujë të pijshëm.

Ai gjithashtu ka frikë se përmbytjet në të gjithë zonën mund të rezultojnë në eksporte më të ulëta të grurit, çmime më të larta ushqimore në mbarë botën dhe më pak ushqim për miliona njerëz në nevojë, shkruan SKynews.

Griffiths tha se Kombet e Bashkuara, duke punuar kryesisht përmes grupeve ukrainase të ndihmës, kanë arritur në 30,000 njerëz në zonat e përmbytura nën kontrollin e Ukrainës.

Mijëra besohet të jenë të bllokuar.