“Oxfam”: Çdo minutë, mesatarisht vdesin 11 njerëz në botë nga uria

Organizata ndërkombëtare humanitare me bazë në Londër “Oxfam” ka njoftuar se mesatarisht 11 njerëz vdesin nga uria çdo minutë në botë. Siç theksohet, kriza klimatike dhe pandemia e COVID-19 kanë shkaktuar rritjen e çmimeve globale të ushqimit për 40 për qind, duke çuar shumë njerëz në prag të urisë. Në raport potencohet se shpenzimet ushtarake në nivel global janë rritur me 51 milionë dollarë që nga fillimi i pandemisë, e cila është të paktën gjashtë herë më shumë sesa shuma e nevojshme për Kombet e Bashkuara për të luftuar urinë. Raporti thekson se afër 100 milionë njerëz që jetojnë në zona të konfliktit përballen me rrezikun e urisë.