Pacientët anglezë të parët në botë që kanë akses në ‘injeksionin shtatëminutësh’ për të trajtuar kancerin

Shërbimi Shëndetësor Kombëtar i Britanisë (NHS) do të jetë i pari në botë që do t’u ofrojë qindra pacientëve në Angli një “injeksion shtatë minutësh” për të trajtuar kancerin.

 – Ky prezantim i parë në botë i këtij trajtimi do të nënkuptojë që qindra pacientë do të jenë në gjendje të kalojnë më pak kohë në spital dhe të kursejnë kohë të vlefshme në njësitë e kimioterapisë NHS. Ruajtja e cilësisë më të mirë të mundshme të jetës për pacientët me kancer është jetike, kështu që futja e injeksioneve më të shpejta do të bëjë një ndryshim të rëndësishëm, tha Peter Johnson, drejtor i NHS Cancer England.

Pas miratimit nga Agjencia Rregullatore e Barnave dhe Produkteve të Kujdesit Shëndetësor (MHRA), NHS Angli tha se qindra pacientë të kualifikuar për imunoterapi do të marrin injeksionin çdo vit. Kohët e trajtimit për disa pacientë me kancer thuhet se do të shkurtohen deri në tre të katërtat. Shumë prej tyre tani do të marrin terapi me injeksionin e ri, në vend të atij intravenoz që zgjat 30 deri në 60 minuta.