Palestinezët me një kërkesë për Shtetet e Bashkuara: Izraeli të respektojë rezolutat ndërkombëtare
Palestinezët me një kërkesë për Shtetet e Bashkuara: Izraeli të respektojë rezolutat ndërkombëtare
Palestinezët sot u bënë thirrje Shteteve të Bashkuara që të ndalojnë mbështetjen e Izraelit dhe të detyrojnë qeverinë izraelite të “ndalojë agresionin” dhe t’u bindet rezolutave ndërkombëtare.
Nabil Abu Rudayneh, një zëdhënës i zyrës së presidentit palestinez, tha se Izraeli duhet të respektojë vendimet e gjykatës ndërkombëtare.
“Administrata amerikane duhet të detyrojë aleatin e saj strategjik, Izraelin, të ndalojë agresionin e saj në Gaza dhe Bregun Perëndimor të pushtuar dhe të respektojë rezolutat e legjitimitetit ndërkombëtar dhe vendimet e gjykatave ndërkombëtare”, tha Rudayneh, transmeton Anadolu.
Ai shtoi se Izraeli “vazhdon krimet e tij brutale në rajon” pa u ndalur.
“Uashingtoni duhet të ndalojë së mbështeturi Izraelin, i cili vazhdon mizoritë e tij brutale, duke i vënë zjarrin rajonit dhe duke e shtyrë atë drejt një përshkallëzimi në shkallë të gjerë që askush nuk do të jetë në gjendje ta përmbajë”, shtoi ai.
Rudayne beson se SHBA është përgjegjëse për “gjenocidin” e Izraelit në Gaza, Bregun Perëndimor dhe Jerusalem.
