Papa Françesku: Më dhemb shumë, disa mendojnë vetëm për kënaqësinë e tyre
“Kur bota është duke vuajtur pasojat e pandemisë, me probleme shëndetësore, ekonomike, si dhe në shumë shtete, shumë njerëz, mendojnë vetëm për kënaqësinë e tyre dhe pushimet”, tha Papa Françesku.
“Kam lexuar në gazeta diçka që më trishtonte, në një vend, për t’i shpëtuar izolimit dhe për të bërë pushime, 40 avionë u ngritën atë pasdite. Ata njerëz mendojnë vetëm për pushime dhe për kënaqësinë e tyre. Kjo më dhembi shumë”, u shpreh Papa, përcjell A2.
Megjithatë, ai shpreh optimizmin e tij se kjo situatë do të marrë fund.
“Ne e dimë që situata do të bëhet më mirë edhe me ndihmën e Zotit. Të punojmë për të mirën e përgjithshme”, tha Papa Françesku.
