Pas armëpushimit, sërish trazira në xhaminë Al-Aqsa të Jeruzalemit

Policia izraelite ka sulmuar xhaminë Al-Aqsa në qytetin e vjetër të Jeruzalemit. Mediat e huaja raportojnë se policia izraelitë ka plagosur dhjetëra besimtarë.

Nga sulmet u plagosën rreth 20 vetë, sipas një deklarate të shkruar nga Gjysmëhëna e Kuqe Palestineze. Dy nga të plagosurit u dërguan në një spital aty pranë.

Dëshmitarët brenda xhamisë thanë se pas lutjeve të së premtes shumë palestinezë qëndruan në lokale për të festuar armëpushimin midis Hamasit dhe qeverisë izraelite.