Kosovë/ Pas protestave të veteranëve, Trendafilova anulon konferencën

Kryetarja e Dhomave të Specializuara, Ekaterina Trendafilova, e ka anuluar konferencën që pritej të mbahej në Prishtinë.

Konferenca u anulua pas protestës së veteranëve të Ushtrisë Çlirimtare të Kosovës (UÇK) para hotelit ku po qëndronte ajo.

Nga Specialja kanë konfirmuar anulimin duke e arsyetuar me kushtet e sigurisë.

Hysni Gucati i OVL-UÇK-së ka deklaruar se vizita e Trendafilovas në Kosovë është për të keqen e shqiptarëve.

Tensione në protestën e OVL-UÇK-së te Trendafilova

Anëtarët e OVL-UÇK-së kanë hedhur tym të zi pranë hotelit ku po mban konferencë kryetarja e Dhomave të Specializuara, Ekaterina Trendafilova.

Veteranët u dëgjuan teksa thërrisnin “UÇK, UÇK”.