Kristiano Ronaldo po përgatitet të largohet nga Arabia Saudite, sipas lajmit të publikuar nga gazeta portugeze “Record”. Dhe fakti që ky lajm duhet marrë seriozisht dëshmohet nga fakti që pronari i gazetës “Record” nuk është askush tjetër përveç yllit portugez.
Ditë më parë Ronaldo bojkotoi ndeshjen e Al-Nassr në udhëtim kundër Al-Riyadh, të cilën skuadra e tij e fitoi 1-0. Sipas gazetës së famshme portugeze “A Bola”, Kristiano është i pakënaqur me mënyrën se si drejtohet klubi dhe pakënaqësia e tij drejtohet ndaj PIF (Fondi Publik i Investimeve të Arabisë Saudite), i cili menaxhon Al-Nassr.
Gazeta portugeze “Record” raportoi se Ronaldo ka një klauzolë në kontratën e tij që i lejon atij të largohet nga Al-Nassr në qershor 2026, dhe se ky opsion është shumë i mundshëm. Gazeta “Record” raporton gjithashtu se klube nga SHBA-ja dhe Evropa janë të interesuara për shërbimet e Ronaldos
Ajo që është më interesante është se Ronaldo është pronari kryesor i grupit të shquar mediatik portugez “Cofina Media”, i cili zotëron edhe të përditshmen sportive “Record”.
