Pastrimi pranveror: Mënyra se si ndihmon për të pastruar shpirtin dhe mendjen tuaj!
Pastrimi pranveror është një koncept shekullor dhe duket sikur mund të nënkuptojë më shumë sesa thjesht një shtëpi pa rrëmujë dhe më të organizuar.
Rezulton se pastrimi potencialisht mund të çojë në lumturi dhe rritje të produktivitetit.
“Një mjedis i çrregullt mund të rrëmojë mendjen. Mund të jetë një tregues i gjendjes së një personi”, thotë psikologu Michael Messina.
Të jetosh në një hapësirë të çrregullt mund të ulë vetëvlerësimin dhe të shkaktojë ankth, thotë psikologia, ndërsa një shtëpi e pastër mund të ketë efekte pozitive në shëndetin tonë mendor. Më poshtë janë tre mënyra se si pastrimi pranveror mund të rrisë lumturinë dhe produktivitetin.
“Vetë akti i pastrimit mund të jetë shpërblyes dhe inkurajues vetëm duke qenë në gjendje të shohësh se detyra është kryer me sukses. Kjo mund t’ju bëjë të motivuar dhe të lumtur,” thekson Messina.
Pastrimi pranveror është gjithashtu ushtrim. Edhe pse nuk është aq intensiv sa llojet e ushtrimeve që duhet të bëjmë çdo ditë, ai përfshin lëvizje fizike.
“Kur jeni duke tërhequr një fshesë me korrent, duke marrë kuti dhe duke i lëvizur ato, ka lëvizje. Ju nuk e konsideroni atë si ushtrim, por pastrimi është në të vërtetë,” shton ai.
Hulumtimet tregojnë se aktiviteti më i madh fizik shoqërohet me kënaqësi dhe lumturi më të madhe nga jeta. Plus, kur ndiheni sikur shtëpia juaj është e ngrohtë dhe mikpritëse, ju keni më shumë gjasa të ftoni mysafirë, gjë që shton një komponent social në jetën tuaj që gjithashtu mund të rrisë lumturinë, thotë Messina.
“Ju nuk dëshironi të keni njerëz në shtëpinë tuaj nëse jetoni në një rrëmujë dhe kjo mund t’ju izolojë nga ata me të cilët dëshironi të kaloni kohë,” shpjegoi ai.
Nuk mund të përqendroheni gjatë punës nga shtëpia? Sipas Messina, gjendja e mjedisit tuaj merr vëmendjen tuaj të plotë. Nëse jeni në një hapësirë të çrregullt, nuk do të jeni në gjendje të përqendroheni në gjërat që janë të rëndësishme.
“Do ta keni të vështirë të përqendroheni në punë dhe do të jeni më pak produktiv”, thotë ai.
Nga ana tjetër, një hapësirë e pastër do t’ju lejojë të mendoni më qartë, të bëni përparim, të organizoni më mirë ditën tuaj dhe të keni një ndjenjë më të mirë kontrolli mbi mjedisin tuaj.
“Kur njerëzit vuajnë nga depresioni i rëndë, është e vështirë për ta që të përfshihen në pjesën njohëse të terapisë. Duhet të fillojmë me pjesën e sjelljes. Kjo është në thelb ajo që i shtyn njerëzit të lëvizin dhe quhet aktivizim i sjelljes. Detyrat e vogla si organizimi i një dollapi ose pastrimi i një dhome janë shembuj të shkëlqyer të aktivizimit të sjelljes”, thekson Messina.
Me të gjitha këto përfitime për shëndetin tuaj mendor, Messina mbështet pastrimin pranveror, veçanërisht sepse aktiviteti fizik i përfshirë “do të jetë shumë i dobishëm për ankthin, depresionin dhe gjumin e një personi”.
