Pendarovski për vizitë zyrtare dyditore në Mal të Zi

Presidenti i shtetit Stevo Pendarovski sot dhe nesër do të qëndrojë për vizitë zyrtare në Mal të Zi.

Në Podgoricë, sot presidenti Pendarovski do të pritet me nderimet më të larta shtetërore dhe ushtarake nga presidenti i Malit të Zi Milo Gjukanoviq, pasuar nga takimi i dy presidentëve, takimi plenar i delegacioneve të Republikës së Maqedonisë së Veriut dhe Malit të Zi dhe një konference të përbashkët për shtyp të të dy presidentëve.

Gjatë qëndrimit të Mal të Zi, Pendarovski do të takohet edhe me kryeministrin malazez Zdravko Krivokapiq dhe Dritan Abazoviç, zëvendëskryeministër dhe mandatar për formimin e Qeverisë së re të Malit të Zi.

Kryetari i Sindikatës së Arsimit Shkencës dhe Kulturës, Jakim Nedellkov, dje tha se janë të gatshëm që të vazhdojnë bisedimet me ekzekutivin me qëllim gjetjen e zgjidhjes për pagat në sektorin e arsimit, me çka do të ndërpritej greva.