Përjashtohet Spartak Moska, Lajpcigu në çerekfinale të Ligës Evropa?

UEFA po shqyrton mundësinë e përjashtimin të skuadrës së Spartak Moskës, skuadër e vetme ruse në garat evropiane, atë të Ligës Evropa. Sipas të përditshmes gjermane “Bild”, grupi rus do të eliminohet pas konfliktit ushtarak midis Rusisë dhe Ukrainës,

Spartak u kualifikua në fazën e 1/8 e Ligës së Evropës dhe do përballet me klubin gjerman RB Leipzig, një ndeshje që do të zhvillohej midis 10 dhe 17 marsit. Nëse masa do të realizohej, skuadra ruse do të përjashtohej, kështu që gjermanët do të kualifikoheshin, direkt për çerekfinalet e Ligës së Evropës pa pasur nevojë të luajë.

Këtë të diele, UEFA vendosi që Rusia nuk do të lejohet të luajë më ndeshje ndërkombëtare në territorin rus, por vetëm në një terren neutral. Jerevani (Armeni) ose Baku (Azerbajxhan) dukeshin si vende potenciale neutrale, megjithëse gjithçka tregon se Spartak do të eliminohet me dekret të organit të futbollit.