Përsëri probleme në Instagram: Dërgimi i mesazheve nuk funksionon
Instagram po has sërish probleme dhe përdoruesit nga vende të ndryshme të botës po raportojnë probleme me dërgimin dhe marrjen e mesazheve direkte. Përdoruesit e Facebook Messenger kanë të njëjtat probleme.
Sipas burimeve dhe përdoruesve të ndryshëm të platformave të mesazheve Instagram dhe Facebook Messenger, po ndodh një problem i çuditshëm ku mesazhet zhduken sapo përdoruesit i dërgojnë.
Të dyja platformat kanë disa orë që po përballen me probleme. Një problem u raportua edhe nga DownDetector, një faqe që monitoron gjendjen e faqeve të internetit dhe raporton problemet gjatë funksionimit. Probleme të mëdha në punën e Instagram dhe Facebook Messenger janë raportuar që nga mbrëmë. Përveç problemeve me inbox, të dyja platformat po funksionojnë normalisht.
Për momentin nuk dihet arsyeja për këtë, e as sa kohë do të duhet për të zgjidhur problemet me mesazhet.
Instagram ka pasur probleme në funksionim edhe më parë, dhe raportet kryesore nga përdoruesit janë regjistruar në fund të qershorit.