Pishinat e Kryqit të Kuq u vunë në dispozicion për shuarjen e zjarrit me helikopterë

Vullnetarët e Kryqit të Kuq edhe sot janë aktivisht të angazhuar në terren, duke ofruar mbështetje në përballjen me zjarrin që po përhapet në rajon

“Me përkushtim të palodhur, ata marrin pjesë në mbështetje logjistike dhe ndihmë për shërbimet e mbrojtjes dhe shpëtimit. Pishinat tona janë vënë në dispozicion për mbushjen me ujë të helikopterëve, gjë që e përshpejton ndjeshëm procesin e shuarjes dhe mundëson ndërhyrje më të shpejtë në zonat më të prekura”, bëhet e ditur në kumtesën e Kryqit të Kuq.

Nga aty shtojnë se Kryqi i Kuq është plotësisht i mobilizuar dhe i gatshëm të ofrojë ndihmë dhe burime shtesë, nëse situata e kërkon këtë.