Poll Pogba merr dy oferta nga skuadrat e Premier Ligës

Poll Pogba ka mbetur zyrtarisht një futbollist i lirë dhe ai është i gatshëm të rikthehet në futboll. Mesfushori francez ishte pezulluar nga FIFA për katër vite shkaku i përdorimit të dopingut, por që ky pezull është reduktuar në 18 muaj.

Kësisoj ai nga janari mund të filloj stërvitjet me skuadrën e re dhe nga muaji mars është i gatshëm për lojë. Reprezentuesi francez ka prishur kontratën me Juventusin dhe e ardhmja e tij mund të jetë sërish në elitën e futbollit anglez të Premier Ligës.

Dy skuadrat angleze Uest Ham United dhe Njukasëll kanë shprehur gatishmëri për transferimin e francezit në Premier Ligën. Megjithatë afrimi i Pogbas nuk do të jetë aspak i lehtë, pasi ai kërkohet edhe në Francë nga Olimpik Marsej, por edhe nga skuadrat arabe si Al-Hilal, Al Nassr dhe Al Ahli.

Gjithsesi dëshira e lojtarit është të mbetet në futbollin evropian dhe për t’i treguar të gjithëve vlerat e tij.