Polonia, Skorupski refuzoi kombëtaren për shkak të Levandovskit

Portieri i Bologjas, Lukash Skorupski nuk iu përgjigj pozitivisht ftesës së Polonisë për kualifikueset e “EURO 2024”, ndërsa si shkak u quajt një problem në kyçin e këmbës të pësuar ndaj Kaljarit.

Megjithatë, sipas raportimeve të medieve italiane arsyeja e vërtetë mund të jetë një përplasje e ndodhur në skuadrën e Polonisë që në Botërorin e Katarit. Mediet italiane raportojnë për një mosmarrëveshje mes portierit dhe sulmuesit simbol të kombëtares polake, Robert Levandovskit.

Marsin e kaluar, Skorupski, duke folur për një media polake, kishte zbuluar disa debate të ndodhura në dhomën e zhveshjes, në lidhje me ndarjen e premios për arritjen në fazën e 16-të në Kupën e Botës. Skuadrës iu dha një premio prej 6 milionë euro, por sipas rrëfimit të Skorupskit, në vend që të festonte kualifikimin, ekipi i Polonisë po nxitonte për mënyrën e ndarjes së çmimit, gjë që megjithatë nuk u diskutua.

Më vonë Levandovski akuzoi portierin e Bolonjës se kishte thënë gjëra të pavërteta. Tashmë në Poloni mendojnë se Skorupski nuk është bashkuar me ekipin jo prej problemeve fizike,por sepse ka frikë të përballet me Levandovskin.