Prishtina nuk e ekstradon Afrim Ismailoviçin, gjykata thotë se kërkesa ishte refuzuar më herët
Kosova refuzon ekstradimin e Afrim Ismailoviq, i dënuar me burg të përjetshëm në rastin “Monstra”. Në vendimin e Gjykatës Themelore të Prishtinës, Departamenti Special ka hedhur poshtë kërkesën e Ministrisë së Drejtësisë në Maqedoninë e Veriut, mbi bazën e vendimit paraprak gjyqësor i cili ka refuzuar ekstradimin.
https://youtu.be/b29fdoA9kzA
Refuzohet kërkesa për ekstradim e Prokurorisë Speciale e Republikës së Kosovës. Nuk lejohet ekstradimi i Afrim Ismailoviçit nga Republika e Kosovës në Republikën e Maqedonisë së Veriut, për shkak se kërkesa për ekstradim ishte refuzuar me vendimin e formës së prerë të gjykatës”, thuhet në aktvendimin e Gjykatës Themelore të Prishtinës.
Vendimi i Gjykatës së Prishtinës thirret në Artikullin 50 të Kapitullit për të drejtat themelore të Bashkimit Evropian, mekanizimi juridik “NE BIS IN IDEM”.
Askush nuk është i detyruar të gjykohet ose dënohet përsëri në procedurë penale për një vepër për të cilën ai ose ajo tashmë është liruar ose dënuar përfundimisht”, thotë artikulli 50 i Kapitullit për të drejtat themelore i Bashkimit Evropian.
Afrim Ismailoviç u arratis në vitin 2012, para vendimit të parë gjyqësor për rastin “Monstra”. Bashkë me të në arrati ndodhet edhe Alil Demiri. Ndonëse ishin liruar nga akuza mbi bazën e kthimit të procesit në rigjykim, Ismailoviç dhe Demiri kishin refuzuar të kthehen në Maqedoninë e Veriut me pretekstin e mos besimit ndaj organeve të drejtësisë. Në bazë të vendimit të fundit gjyqësor, Afrim dhe Agim Ismailoviç bashkë me Alil Demirin u dënuan me burg të përjetshëm për veprën terrorizëm.
Adrian Kerimi
