Protesta e opozitës me 10 policë të plagosur, arrestohet 1 protestues! 3 në hetim dhe disa në kërkim

Për herë të parë, në protestë u shmang podiumi dhe fjalimet politike e ju dha përparësi akteve të mosbindjes civile. Godina e qeverisë ishte e rrethuar nga forca të shumta të rendit, kur protestuesit hodhën molotov, flakadanë e fishekzjarrë, duke i vunë flakën edhe pemëve në bulevard.

I njëjti skenar u zbatua edhe në selinë e Partisë Socialiste, ku një seri bombash molotov u lëshuan drejt godinës dhe ju vu flaka banderolës  në fasadën hyrëse. Sërish policia u kundërpërgjigj me gaz lotsjellës.

Ndalesa e radhës ishte pak metra më larg, pranë ndërtesës së ministrisë së e më pas në Bashkinë e Tiranës, ku shpërthimet e molotovit lënduan edhe disa punonjës të policisë.

Marshimi vijoi për disa orë në rrugët e kryeqytetit, ku mosbindja civile u përkthye në thyerje te xhamave të reklamave, dhe zjarrvënie në kazanët e mbeturinave. Në fund, të paktë në numër protestuesit u ndalën në sheshin përpara parlamentit. Skenari edhe atje ishte i njëjtë dhe kundërpërgjigjja gjithashtu.

Të paktën 10 punonjës policie u dëmtuan nga sulmet e protestuesve, ndërsa Autoritetet siguruan se kanë marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore.