Protesta në Izrael/ ‘Ndaloni luftën’ dhe ‘mos lini pengje pas’
Protesta në Izrael/ ‘Ndaloni luftën’ dhe ‘mos lini pengje pas’

Mijëra izraelitë kanë protestuar përsëri ditën e djeshme, duke i kërkuar qeverisë së Netanyahut që të respektojë plotësisht marrëveshjen e armëpushimit, e cila u përfundua 10 ditë më parë dhe hyri në fuqi të dielën e kaluar.
Po dje Izraeli liroi 200 palestinezë të mbajtur peng në këmbim me 4 ushtare femra izraelite të mbajtur nga Hamasi.
Protestat u zhvilluan në Tel Aviv, Haifa, Jerusalem dhe qytete të tjera. Pjesëmarrësit mbanin pankarta me slogane të tilla si ‘ të ndaloni luftën’ ose ‘mos lini pengje pas’.
Në kuadër të marrëveshjes Izrael- Hamas, faza e parë është 42-ditore dhe 33 pengje izraelite do të lirohen në këmbim të 1,904 palestinezëve.
Për fazën e dytë dhe të tretë, nuk janë vendosur ende kushtet por pritet që qeveria izraelite dhe lëvizja palestineze të ndërmjetësuara nga Katari, Egjipti dhe SHBA të vendosin dhe t’i fillojnë ato.