Pse është mirë të vendosni rripat e sigurimit në ulësen e pasme edhe kur nuk ka pasagjerë?!

Shpesh përsërisim se gjatë vozitjes duhet të vendosen rripat e sigurimit. Kështu do të jeni më të sigurt në trafik, veçanërisht në rast aksidenti. Por, këtë nuk e themi vetëm ne – edhe institucione të tjera, si Drejtoria e Përgjithshme e Trafikut në Spanjë (DGT), e përsërisin vazhdimisht.

Është interesante që DGT jo vetëm që këmbëngul në përdorimin e detyrueshëm të rripit të sigurimit për të gjithë pasagjerët në automjet, por gjithashtu rekomandon që të lidhen edhe rripat e pasmë edhe kur në ato vende nuk ka pasagjerë.

Ky veprim shtesë ndihmon në mënyrë të ndjeshme në parandalimin e aksidenteve dhe uljen e lëndimeve të rënda në rast përplasjeje. Kjo këshillë është veçanërisht e rëndësishme kur në bagazh transportohen valixhe apo sende të tjera të rënda – një situatë mjaft e zakonshme gjatë pushimeve, kur rritet sasia e bagazhit dhe sendeve të tjera që transportohen.

Në rast përplasjeje, nëse rripat e sigurimit nuk janë të lidhur, ndodh i ashtuquajturi “efekt elefanti”, për të cilin flitet shpesh kur pasagjerët në ulëset e pasme nuk janë të lidhur – domethënë, në një shpejtësi prej 60 km/h, një person që peshon 75 kg mund të përplaset mbi ulësen e përparme me një forcë që i korrespondon 4.2 tonëve.

Ky efekt mund të ndodhë edhe ndryshe – kësaj radhe me bagazhin që ndodhet në bagazh. Prandaj, është e këshillueshme që të lidhen rripat e pasmë të sigurimit edhe nëse nuk janë të zënë nga pasagjerë.

Nëse në bagazh ka sende, në rast përplasjeje ose frenimi të papritur, pesha e tyre mund të godasë me forcë mbështetëset e ulëseve të pasme dhe mund t’i dëmtojë ato.

Nëse rripat janë të lidhur, ato do të ndihmojnë në mbajtjen e qëndrueshme të ulëseve të pasme. Pra, nëse po transportoni ngarkesë të rëndë në bagazh, lidhni edhe rripat e sigurimit në ulëset e pasme.

Kur dikush ulet në ulëset e pasme, këmbëngulni që të vendosë rripin e sigurimit…