Qentë heroikë të ndihmës në Turqi dhe Siri, e shohim rëndësinë e tyre gjatë fatkeqësive natyrore
Qentë kanë një instinkt të fortë për të ndihmuar dhe një nuhatje jashtëzakonisht të fortë që është thelbësore për të ndihmuar në fatkeqësitë natyrore siç janë tërmetet. Pasi një tërmet me magnitudë 7.8 ballë të shkallës Rihter goditi disa zona në Turqi dhe Siri të hënën, një numër vendesh dërguan qen nuhatës si pjesë e ekipeve të shpëtimit.
Ekipi ynë i kërkim-shpëtimit prej 24 efektivësh të ushtrisë me dy qen të stërvitur u nis për në Turqi. Shpresën se gjatë kërkimeve do të shpëtohen jetë njerëzish japin dy qentë Koni dhe Pixie, të cilët së bashku me instruktorët janë trajnuar pikërisht për të gjetur njerëz në fatkeqësi natyrore.
Qentë, siç informojnë për MPB nga Ministria e Mbrojtjes, janë transportuar sipas procedurave të transportit me fluturime ajrore, si dhe procedurave të aeroporteve dhe komunikacionit ajror.
Dy qentë e shërbimit të caktuar në ekipin e kërkim-shpëtimit janë të racës Belgian Shepherd – qenush mashkull dhe Labrador – qenush femër, të cilët janë pesë ose gjashtë vjeç.
Këta dy qen, sipas Ministrisë, i janë nënshtruar trajnimit të plotë të kërkimit të specializuar në Qendrën tonë të Trajnimit dhe Stërvitjes së Qenve të Shërbimit të Ushtrisë si pjesë e Komandës së Stërvitjes dhe Doktrinës. Drejtuesit e qenve të shërbimit janë edhe instruktorë me përvojë për këtë lloj trajnimi të cilët janë perfeksionuar në Republikën e Turqisë.
