Qeveria izraelite urdhëron sulmin e objektivave të Hezbollahut në Liban

Kryeministri izraelit Benjamin Netanyahu dhe ministri i mbrojtjes Israel Katz, kanë dhënë urdhër që ushtria të nisë sulme kundër objektivave të Hezbollahut në Liban.

Sipas njoftimit të Ministrisë së Mbrojtjes, këto sulme janë një përgjigje për sulmin me raketa këtë mëngjes ndaj Izraelit, si dhe vazhdimi i valës së parë të sulmeve ndaj organizatës terroriste.

Ushtria izraelite njoftoi se do të godasë objektivat e Hezbollahut në Liban në një valë të dytë sulmesh, pasi bllokoi raketat këtë mëngjes që vijnin nga territori i Libanit.