Qeveria miratoi propozim ligjin për shtesën rinore prej 3.000 denarë për të rinjtë deri në 23 vjeç
Qeveria miratoi propozim-ligjin për shtesën rinore, të propozuar nga Ministria e Politikës Sociale, Demografisë dhe Rinisë. Sipas këtij propozimi, shtesa rinore do të jetë 3.000 denarë në muaj dhe do t’u paguhet të rinjve deri në moshën 23-vjeçare.
Me këtë masë synohet të nxitet punësimi i të rinjve në sektorin e prodhimit pas përfundimit të arsimit të mesëm, duke kontribuar njëkohësisht në përmirësimin e standardit të tyre jetësor dhe në sigurimin e fuqisë punëtore të kualifikuar për punëdhënësit.
Shtesë rinore mund të shfrytëzojë një i ri i cili i plotëson këto kushte:- është përfshirë në sigurimin e obliguar social në bazë të punësimit tek punëdhënësi apo vetëpunësim me veprimtari prodhuese kryesisht;- është punësuar në agjenci private për punësim dhe ka kaluar me punë tek punëdhënësi që merret kryesisht me veprimtari prodhuese; ose- është përfshirë në sigurimin e obliguar social si bujk individual.
Sipas propozimit, shtesa rinore do të jetë 3.000 denarë në muaj dhe do t’u paguhet të rinjve deri në moshën 23-vjeçare, të cilët kanë të paktën arsim të mesëm të përfunduar.
Të drejtën për ta shfrytëzuar këtë shtesë do ta kenë të rinjtë që janë të përfshirë në sigurimin e obliguar social në bazë të punësimit ose vetëpunësimit në veprimtari prodhuese, ata që janë punësuar përmes agjencive private dhe më pas kanë kaluar në kompani prodhuese, si dhe bujqit individualë të regjistruar.
Nga Qeveria theksojnë se me vendosjen e shtesës rinore vazhdojnë angazhimet për përmirësimin e kushteve të jetesës për qytetarët në Maqedoninë e Veriut, me fokus të veçantë tek të rinjtë.
