Qendra për shëndet publik Kumanovë (QSHP) kumtoi se dje u raportua epidemi e helmimit nga ushqimi tek gjashtë persona, të cilët morën pjesë në një seminar trajnimi më 11 shtator në një restorant në Kumanovë.
Prej gjithsej 36 pjesëmarrësve në seminar, gjashtë persona kanë zhvilluar simptoma të helmimit nga ushqimi – të vjella, diarre, ethe, temperaturë deri 41 gradë, dhimbje dhe ngërçe në stomak. Dy prej tyre janë hospitalizuar, tre janë në spital ditor, ndërsa një është në mjekim shtëpiak.
“Dje, Reparti për epidemiologji pranë QSHP në Kumanovë raportoi epidemi të ‘toksoinfeksionit ushqimor’ për gjashtë raste të raportuara – të sëmundjes me shenja të helmimit nga ushqimi nga gjithsej 36 persona të ekspozuar. Bëhet fjalë për pjesëmarrës në një seminar-trajnimi të organizuar nga një kompani në një restorant në Kumanovë. Pas konsumimit të ushqimit në ambientet e jashtme të restaurantit në orët e mbrëmjes së 11 shtatorit të këtij viti, të sëmurët zhvilluan simptoma të helmimit nga ushqimi pas katër, e deri 16 orë me të vjella të shumta, jashtëqitje të shpeshta me ujë në çdo 10, 15 ose 20 minuta, plogështi, temperaturë deri 41 gradë, ethe, dhimbje dhe ngërçe barku, dhimbje koke”, kumtuan nga QSHP Kumanovë.
Epidemiologu në QSHP Kumanovë dhe njësitë rajonale të Kumanovës të ISHSSH dhe AUV më 15 shtator të këtij viti, pasi morën raportet e para për pacientë me shenja të helmimit nga ushqimi, kanë kryer mbikëqyrje të koordinuar në restaurant dhe mori mostra dhe tampona ushqimi për testim mikrobiologjik.
“Janë marrë të gjitha masat higjieno-epidemiologjike, të përshtatshme kundër masave epidmiologjike. Objekti është mbyllur derisa të merren rezultate negative nga materialet e testuara”, kumtuan nga QSHP Kumanovë.
Gjashtë persona u helmuan rëndë pas një seminari trajnimi më 11 shtator në një restorant në qytetin e Kumanovës. Nga 36 pjesëmarrës, gjashtë persona kanë treguar simptoma të rënda, të vjella të pandalshme, diarre çdo 10 deri në 20 minuta, temperaturë deri 41 gradë dhe dhimbje të forta stomaku. Dy prej tyre janë shtruar në spital, tre po trajtohen në ambulantë dhe një në kushte shtëpie. Qendra e Shëndetit Publik e Kumanovës tha se bëhet fjalë për një helmim nga ushqimi, ndërsa më 15 shtator, së bashku me Inspektoratin Sanitar dhe Agjencinë e Ushqimit dhe Veterinarisë, kanë mbyllur restorantin, dhe kanë marrë mostra për analiza mikrobiologjike.
