Raketa e SpaceX shpërthen gjatë uljes në tokë

Një prototip rakete i kompanisë SpaceX ka shpërthyer gjatë një tentimi për t’u kthyer në tokë nga një testim në lartësi të madhe.

Ky lloj i pajisjes është i krijuar për të dërguar njerëz në Mars.

Raketa Starship ka kryer testimin për gjashtë minuta e gjysmë nga Teksasi, në një mision për të arritur lartësi prej 12.5 kilometrave dhe për të bërë kthimin në mënyrë vertikale.

Mirëpo ky prototip i testuar i anijes kozmike është përplasur gjatë lëshimit në tokë dhe meqë shpejtësia ka qenë e madhe, pajisja është ndezur në flakë.

Megjithatë, shefi ekzekutiv i kompanisë SpaceX, Elon Musk ka thënë se ekipi ka marrë të dhënat që i janë dashur.

Nisja e pajisjes është shfaqur edhe në kanalin e SpaceX në YouTube.

https://twitter.com/SpaceX/status/1336777137391456256?ref_src=twsrc%5Etfw%7Ctwcamp%5Etweetembed%7Ctwterm%5E1336777137391456256%7Ctwgr%5E%7Ctwcon%5Es1_&ref_url=https%3A%2F%2Fwww.evropaelire.org%2Fa%2F30993446.html

SpaceX deri më tani ka kryer pesë testime të modelit Starship, mirëpo modelet e mëparshme nuk kanë fluturuar më shumë se 150 metra.

Kjo kompani beson se do të mund të dërgojë njerëz dhe mallra në Mars brenda gjashtë vjetëve të ardhshëm.