Rej Manaj sërish në Seria A, afër akordi me skuadrën italiane

Sipas raportimeve, të fundit që vijnë nga Italia, sulmuesi i kombëtares së Shqipërisë, është pranë akordit me skuadrën e Frosinones, që këtë sezon u ngjit në elitë, teksa pak kohë më parë transferoi edhe sulmuesin tjetër shqiptar Marvin Çuni.

Manaj është futbollist i lirë prej 8 shkurtit të vitit 2023, kur mbylli kontratën me Uatford, teksa sipas Xhanluka Di Marcios, drejtuesit e klubit verdheblut të Frosninones, po mendojnë të nënshkruajnë me shqiptarin.

Këtë e konfirmoi vetë Guido Angeloci, drejtor i zonës tekniko-operative të Frosinones, i cili pranoi se janë në tratativa me Manajn. Gjasat janë të mëdha që shqiptari të rikthehet në Itali, pas aventurave të mëparshme me Kremonezen, Interin, Peskarën, Pizën dhe Specian.