Rekordi botëror Guinness: Hiqet guri më i madh në botë nga veshkat e njeriut

Mjekët ushtarakë në Sri Lanka kanë hequr gurin më të madh dhe më të rëndë në veshka në botë gjatë një operacioni ndaj një ushtari në pension, tha ushtria.

Gurët në veshka krijohen nga depozitimi i kripërave minerale në veshka, një organ që supozohet të pastrojë gjakun. Ish-nënoficerit 62-vjeçar iu hoq një gur në veshka me peshë 801 gram, që thuhet se është më shumë se pesë herë më shumë se masa e një veshke mesatare mashkullore. Guri ishte 13.37 cm i gjatë, dhe veshka mesatare është 10 deri në 12 cm e gjatë.

“Guri më i madh dhe më i rëndë në veshka në botë u hoq me kirurgji më 1 qershor në Spitalin Ushtarak Colombo”, tha ushtria në një deklaratë.

Pensionisti ushtarak tha për mediat lokale se ai vuante nga dhimbje stomaku që nga viti 2020. Rekordi tani njihet zyrtarisht nga Libri i Rekordeve Guinness.