Revolveri i Elvis Presley-t u shit për një shumë marramendëse!

Një revole që i përket mbretit të ndjerë të Rock and Roll-it, Elvis Presley, është shitur për 200,000 dollarë në ankand pasi shpërtheu një luftë ofertash. Revolveri Smith & Wesson Model 53 iu dha Presley-t nëntë muaj para vdekjes së tij në moshën 42-vjeçare në vitin 1977.

TMZ raportoi se pjesa e kujtimeve u ble për 199,750 dollarë përmes kompanisë së ankandit Rock Island. Oferta përfundimtare është më shumë se dyfishi i çmimit që pritej të arrinte. Çmimi i vlerësuar varionte nga 60,000 dollarë në 90,000 dollarë. Ndërsa krijuesi i ndjerë i hiteve ishte i njohur për baritonin e tij të lëmuar prej kadifeje, ai ishte gjithashtu një koleksionist i armëve të vjetra kur nuk po i fuste fansat në histeri masive gjatë performancave të tij live.

Elvis praktikonte të shtënat në poligonin e tij të qitjes Graceland dhe dihej se mbante një armë me vete në koncerte në vitet e tij të mëvonshme. Sipas faqes së internetit të Shtëpisë së Ankandeve Rock Island, Elvis raportohet se zotëronte 37 armë zjarri dhe një pushkë sulmi para vdekjes së tij, duke përfshirë edhe revolen që ishte nxjerrë në ankand.

Revolveri u gdhend nga Russell J. Smith, Master Egraver në Smith & Wesson në 1976 si një dhuratë e veçantë, përkujtimore. Fatkeqësisht, Elvis kishte më pak se një vit për të shijuar dhuratën e tij me porosi.