Rishi Sunak i uroi mbretit Charles shërim të shpejtë: Nuk kam dyshim se ai do të kthehet në detyrë
Rishi Sunak i uroi mbretit britanik Charles III shërim të shpejtë pasi u diagnostikua me kancer sot
Mbreti britanik Charles III është diagnostikuar me një formë kanceri. Këtë e konfirmoi sot Buckingham Palace. Kjo ka ndodhur gjatë ekzaminimeve që i janë bërë 10 ditë më parë, kur u shtrua për kurimin e prostatës së zmadhuar.
Nuk u dhanë detaje, por një burim i familjes mbretërore tha se kanceri nuk ishte i lidhur me prostatën.
Kryeministri britanik Rishi Sunak i dërgoi urimet më të mira Mbretit. Në platformën sociale X, ai shkroi: “Nuk kam asnjë dyshim se do të kthehet në detyrë në një kohë të shkurtër dhe e di që i gjithë vendi do t’i urojë më të mirat”.
Wishing His Majesty a full and speedy recovery.
I have no doubt he’ll be back to full strength in no time and I know the whole country will be wishing him well. https://t.co/W4qe806gmv
— Rishi Sunak (@RishiSunak) February 5, 2024
Charles, 75 vjeç, kaloi tre netë në spital në fund të janarit pasi iu nënshtrua një procedure korrigjuese për një prostatë të zmadhuar. Më pas u zbulua një problem tjetër që shkaktoi shqetësim. Pallati tha se testet zbuluan një formë kanceri.
Charles III u kurorëzua majin e kaluar pasi nëna e tij, Mbretëresha Elizabeth II, vdiq në shtator 2022 në moshën 96-vjeçare.
