Robert Levandovski barazohet me Ronaldon, Benzemën dhe Messin
Robert Levandovski ka vendosur një tjetër rekord madhor në Ligën e Kampionëve. Sulmuesi polak ka shënuar të paktën një gol në 15 sezone radhazi, një arritje që e rendit mes emrave më të mëdhenj të historisë së kësaj gare.
Me këtë seri mbresëlënëse, ylli i Barcelonës lë pas shumë legjenda dhe afrohet vetëm pas Lionel Mesit, Karim Benzema dhe Kristiano Ronaldos, duke konfirmuar vazhdimësinë e tij në nivelin më të lartë evropian.
Lionel Mesi mban rekordin absolut për 18 sezone radhazi me gol në Ligën e Kampionëve. Argjentinasi e realizoi këtë seri nga sezoni 2005/06 deri në 2022/23, kryesisht me Barcelonën. Konsistencë e jashtëzakonshme, gola vendimtarë dhe ndikim direkt në çdo fazë të kompeticionit
Karim Benzema ndan të njëjtin rekord me Mesin, gjithashtu 18 sezone rresht me gol në Ligën e Kampionëve. Francezi u shndërrua në lider absolut të Real Madridit pas largimit të Ronaldos, duke kulmuar me sezonet historike që e çuan drejt “Topit të Artë”.
Kristiano Ronaldo ndalet në 16 sezone radhazi me gol, nga 2006/07 deri në 2021/22. Portugezi mbetet gjithsesi golashënuesi më i mirë në historinë e garës, simbol i netëve të mëdha evropiane dhe ndeshjeve eliminatore.
Levandovski e nisi këtë rrugëtim në sezonin 2011/12 dhe nuk është ndalur më. Borussia Dortmund, Bajern Munih dhe tani Barcelona – kudo ka lënë gjurmë. Golat e tij kanë ardhur në momente vendimtare, shpesh duke mbajtur mbi supe fatin e ekipeve të tij.
