Robert Levandovski do të bashkohet me Lionel Mesin tek Inter Majami?!

Sulmuesi veteran thuhet se është i hapur për ta zgjatur qëndrimin e tij në klub edhe për një vit tjetër. Megjithatë, Blaugranat kanë treguar hezitim në këtë çështje dhe nuk janë të gatshëm të nxitojnë drejt ndonjë vendimi, pavarësisht një takimi të fundit mes agjentit të tij dhe Joan Laportës.

Mes spekulimeve të vazhdueshme, tani ka dalë në pah se klubi i MLS-së, Inter Majami, mund të jetë duke shqyrtuar një lëvizje për Levandovskin vitin e ardhshëm. Sipas ish-futbollistit Marek Jozviak, në emisionin “Moca Futbolu”, klubi amerikan ku aktivizohet edhe ish-kapiteni i Barcelonës, Lionel Messi, mund të jetë i interesuar për Levandovskin dhe madje thuhet se ka nisur kërkimin për një banesë për polakun.

“Kam marrë një mesazh nga dikush që e njeh shumë mirë këtë çështje, ku thuhet se Inter Miami tashmë po kërkon strehim për Robert Levandovskin,” ka deklaruar Jozviak.

Inter Majami ka përfituar shumë nga strategjia e afrimit të lojtarëve me përvojë nga Europa, si Messi, Luis Suárez, Zhordi Alba dhe Serhio Buskets, dhe Levandovski do të përshtatej mirë në këtë qasje.

Megjithatë, kapiteni 37-vjeçar i Polonisë mbetet i vendosur për të qëndruar te Barcelona dhe madje do të ishte i gatshëm të pranonte një ulje page për të vazhduar. Por, në rast se Blaugranat vendosin të mos i ofrojnë rinovim kontrate, do të jetë interesante të shihet nëse Levandovski do të zgjedhë kalimin në MLS dhe bashkimin me Mesin në Majami.