Rusia hedh poshtë deklaratën e Erdoganit për Krimenë

Rusia nuk është plotësisht dakord me deklaratën e presidentit turk Tajip Erdogan se Krimea duhet t’i kthehet Ukrainës, tha sot zëdhënësi i Kremlinit, Dmitry Peskov.

Erdogan tha këtë javë se mbështetja e Turqisë për integritetin territorial, sovranitetin dhe pavarësinë e Ukrainës mbetet e palëkundur dhe se kthimi i Krimesë kërkohet nga ligji ndërkombëtar.

Peskov tha se kjo është një pikë mosmarrëveshjeje për të cilën “pikëpamjet tona ndryshojnë plotësisht” me Turqinë, por Moska do të vazhdojë t’u shpjegojë pozicionin e saj “miqve turqë”

Rusia aneksoi Krimenë në vitin 2014.