Rusia i dërgon Finlandës forcat ajrore te dera

Menjëherë pasi Finlanda shpalli ambicien e saj për të qenë pjesë e NATO, Rusia nuk vonoi të tregojë “dhëmbët” ndaj këtij vendimi që ajo e konsideron një gabim shumë të madh.

Ushtria ruse organizoi disa manovra ushtarake ku u përfshi flota ajrore, synimi i të cilës ishte improvizimi i shmangies së një sulmi në Kaliningrad.

Sipas asaj që citon Interfax, avionët rusë Su-27 prej dy ditësh tashmë po ushtrohen në detin Baltik, veprim ky që për shumë ekspertë konsiderohet si dhe një tregim force për Finlandën.

Më herët, presidenti Putin zhvilloi një bisedë telefonike me homologun finlandez, të cilit i tha se po bën një gabim të madh me aplikimin për t’u bërë pjesë e NATO.