San Antonio regjistron fitoren e 11-të radhazi, vijon kriza për Lejkersat
Skuadra e San Antonio korri fitoren e 11-të radhazi në NBA, duke qenë ekipi më në formë. Spurs triumfuan 126-110 në fushën e Bruklinit, me 7 lojtarë të ekipit mik që realizuan mbi 10 pikë (Shampanjie me 26 pikë, më i miri).
Vijon kriza e Lejkersave, që u mundën 113-110 nga Feniksi, duke pësuar humbjen e tretë radhazi. Donçiç realizoi 41 pikë, por që s’mjaftuan për miqtë.
Fiton edhe Filadelfia, që falë 75 pikëve të treshës: Oubre-Embiid-Maksej, mundi 124-117 Majamin.
Befason Sakramento, që triumfoi 13-121 në fushën e Dallasit, ndeshje ku diferencën e bëri Açiuva me 29 pikë.
Hjustoni konsolidon vendin e tretë në Perëndim pas fitores 113-108 ndaj Orlando. Kevin Durant ishte protagonist dhe autor i 40 pikëve.
NBA-Rezultatet
Indiana – Sharlot, 109-133
Filadelfia – Majami, 124-117
Atlanta – Uashington, 126-96
Buklin – San Antonio, 110-126
Orlando – Hjuston, 108-113
Çikago – Portland, 112-121
Dallas – Sakramento, 121-130
Feniks – Lejkers, 113-110
Juta Xhaz – Nju Orlins, 118-129
LA Klipers – Minesota, 88-94
