Sanksionohen 60 automjete që kryejnë transport publik në teritorin e RMV-së (VIDEO)
Sanksionohen 60 automjete që kryejnë transport publik në teritorin e RMV-së (VIDEO)
Sot (20.01.2022) në periudhën nga ora 08:00 deri në ora 12:00 MPB-ja në kuadër të aksionit operativ “Leje” ka kryer kontroll të përforcuar aksionar në territorin e Republikës së Maqedonisë së Veriut në automjetet që përdoren për transport publik të udhëtarëve, tha sot zëdhënësi i MPB-së Toni Angelovski.
“Janë kontrolluar 576 autobusë dhe automjete të tjera me të cilat kryhet transporti publik, ndërsa në 60 vetura është konstatuar mosfunksionim. Prej tyre 21 në territorin e SPB Tetovë, 11 në SPB Shtip, 9 në SPB Strumicë, tetë në SPB Shkup… Nga këto 60 vetura, 42 janë gjetur mjet ndalues me defekt, pesë. kanë qenë pajisje me defekt për menaxhim… Veturat janë të përjashtuara nga qarkullimi dhe do të vijojnë parashtresat përkatëse”, tha Angelovski.
Inspektorët e Inspektoratit Shtetëror për Qarkullimin Rrugor dhe inspektorët e njësive të vetëqeverisjes lokale (të cilët kanë marrë pjesë edhe në aksionin e kontrollit) kanë marrë 18 masa për kryerjen e transportit publik pa licencë.
“Kontrollet e aksionit të intensifikuar do të vazhdojnë edhe në ditët në vijim. “Apelojmë tek të gjithë pjesëmarrësit në komunikacion që të respektojnë rregullat dhe rregulloret e komunikacionit dhe bashkërisht të kontribuojnë për rrugë më të sigurta”, tha Angelovski./ Alsat.mk