Sassoli: Dhuna ndaj grave të bëhet krim i dënueshëm në BE
Gratë në Europë fitojnë mesatarisht 14,1% më pak se burrat, shkroi në Twitter presidenti i Parlamentit Europian, David Sassoli, me rastin e Ditës së 8 Marsit.
”Që nga fillimi i lockdoën, dhuna dhe vrasja e grave nuk po ndalen kurrë”, deklaroi ai.
”Indinjata nuk mjafton. Dhuna ndaj grave duhet të bëhet një krim i dënueshëm kudo në zonën europiane!”, shtoi Sassoli.
Ndërkohë, ministrja gjermane e Mbrojtjes Annegret Kramp-Karrenbauer (AKK) duke nxjerrë në pah rolin e gruas deklaroi se ushtria e vendit të saj ishte bërë më e fortë falë numrit në rritje të grave.
”Unë falënderoj gratë tona për përpjekjet e tyre të palodhshme, në tokë, në ajër, në det, brenda dhe jashtë vendit, dukshëm ose në prapavijë”, tha ajo në një koment në Ditën Ndërkombëtare të Grave.
